Ние во Реплек, силно веруваме дека нашиот корпоративен успех доаѓа од луѓето. Нашиот тим е двигателот на нашите успеси, а секој вработен игра клучна улога во остварувањето на нашата визија. Со присуство во над 25 земји и портфолио од над 150 производи, ние ја прошируваме нашата мисија на глобално ниво, благодарение на посветеноста и талентот на нашите вработени. Со особено внимание, придонесуваме кон нивниот развој и постојано сме во потрага по нови таленти.

ОПЕРАТОР ВО ОДДЕЛ ПРОИЗВОДСТВО​
Регион: Скопје

Потребни квалификации:

• Завршено средно образование;
• Подготвеност за работа во смени;
• Желба за постојана надоградба.

Работни обврски:

• Врши подготвување и подесување на машините за таблетирање според работните инструкции и производствените спецификации;
• Врши мерење и статусирање на готов меѓупроизвод со мерна и идентификациона етикета;
• Го следи процесот и врши меѓупроцесни контроли во текот на производството, ракување со аналитички инструменти (вага, тестер за цврстина на таблета, шублер);
• Води документација за мерењата и резултатите согласно GMP регулативите;
• Ги чисти и дезинфицира машините по завршување на производствениот циклус;
• Пријавува дефекти и неправилности до одговорното лице;
• Пополнува потребна документација поврзана со процесот на таблетирање;
• Почитува стандардни оперативни процедури (SOP), безбедносни протоколи и регулативи за работа во фармацевтско производство;
• Одржува хигиена на работната околина.

Нудиме:

• Динамична и позитивна работна средина;
• Можност за кариерен развој и континуирана едукација;
• Систем за вреднување на постигнати индивидуални и тимски резултати;
• Менаџмент и тим за човечки ресурси посветени на Вашиот кариерен развој;
• Организациска култура која го подржува и почитува интегритетот на секој поединец во компанијата;
• Организиран топол оброк;
• Приватно здравствено осигурување;
• Приватно пензиско осигурување.

Ако сте заинтересирани и насочени кон индивидуален развој и сакате да бидете дел од нашата успешна приказна, Ве молиме да ја пратите Вашата кратка биографија преку полето ‘‘Аплицирај/Пријави се’’ најдоцна до 17.02.2025 година.

Напомена: Единствено апликациите кои ќе влезат во потесен круг, ќе бидат контактирани.

*Личните податоци наведени во кратката биографија добиени во процесот на селекција на кандидатите за вработување се користат единствено за целта за која се побарани.