Ние во Реплек, силно веруваме дека нашиот корпоративен успех доаѓа од луѓето. Нашиот тим е двигателот на нашите успеси, а секој вработен игра клучна улога во остварувањето на нашата визија. Со присуство во над 25 земји и портфолио од над 150 производи, ние ја прошируваме нашата мисија на глобално ниво, благодарение на посветеноста и талентот на нашите вработени. Реплек расте со јасна амбиција: да гради силни брендови, стабилни пазари и долгорочна вредност. Во Реплек, продажбата и маркетингот не се поддршка. Тие се стратешки двигател на растот.

Затоа бараме експерт кој разбира дека продажбата и маркетингот не се само бројки – туку доверба, релевантност и континуитет.

Бараме професионалец кој знае да го разбере пазарот, да изгради доверба кон брендот и да испорача резултати што се мерат и се чувствуваат.

Доколку си во потрага на нов кариерен предизвик и со своето работење сакаш да направиш разлика, ова е вистинската можност за тебе.

Оваа улога е создадена за професионалци кои сакаат да влијаат, не само да извршуваат.

ЕКСПЕРТ ЗА ПРОДАЖБА И МАРКЕТИНГ – Македонија

Твојата улога: Архитект на растот

Како клучен столб во менаџерскиот тим, ти ќе имаш целосна одговорност за комерцијалниот успех на нашите брендови. Твоите главни фокус точки ќе бидат:

• Стратегија и P&L: Креирање и мониторинг на годишни планови, буџети и KPI индикатори. Баланс помеѓу стратешко планирање и оперативна реализација. Ти си сопственик на бројките и визионер за пазарните трендови;
• Комерцијална извонредност: Управување со клучни клиенти и стратешки партнери. Ти ги одобруваш комерцијалните услови кои носат резултат;
• Бренд менаџмент: Реализација на кампањи координирајќи се со надворешни агенции и внатрешни тимови. Зајакнување на бренд-позиционирањето и комерцијалната ефикасност;
• Лидерство: Твојот успех ќе се мери преку растот на луѓето околу тебе. Бараме лидер кој ќе поддржи култура на високи перформанси, ќе ги препознае скриените таленти и ќе ги подготви следните генерации лидери во Реплек;
• Податоци и анализа: Анализа на пазар, клиенти и резултати, со фокус на одржлив раст.

Што очекуваме од тебе?

Ние веруваме дека стратешкото лидерство нема граници. Овој оглас е отворен за експерти со искуство во Фармација, но и за професионалци од други области кои знаат како се гради пазарен удел.

• Образование: Економски, Фармацевтски, Стоматолошки факултет или други сродни области;
• Искуство: Докажано искуство во продажба и маркетинг;
• Вештини: Одлично познавање на P&L менаџмент, преговарачки способности и стратешко размислување;
• Етика: Високо ниво на професионализам и познавање на регулаторните стандарди;
• Енергија: Способност за донесување одлуки во динамична средина и фокус на решенија.

Зошто да го избереш Реплек?

• Влијание: Моќна позиција со реална можност за обликување на пазарните стратегии;
• Стабилност: Работа во една од најголемите и најстабилните фармацевтски компании во регионот;
• Развој: Средина која инвестира во обуки, евалуации и професионален напредок;
• Организациска култура: Тимски дух базиран на почит, етички кодекс и врвни стандарди за квалитет.

Што нудиме?

• Простор за твоите идеи (да, навистина ги слушаме);
• Тим кој стои зад тебе;
• Пакет кој го вреднува твоето знаење и твоите резултати.

Реплек. Традиција која иновира. Лидерство кое инспирира.

Испрати ни ја својата приказна CV преку полето ‘‘Аплицирај/Пријави се’’ најдоцна до 03.03.2026 година.

Напомена: Единствено апликациите кои ќе влезат во потесен круг, ќе бидат контактирани.

*Личните податоци наведени во кратката биографија добиени во процесот на селекција на кандидатите за вработување се користат единствено за целта за која се побарани.