Ние во Реплек, силно веруваме дека нашиот корпоративен успех доаѓа од луѓето. Нашиот тим е двигателот на нашите успеси, а секој вработен игра клучна улога во остварувањето на нашата визија. Со присуство во над 25 земји и портфолио од над 150 производи, ние ја прошируваме нашата мисија на глобално ниво, благодарение на посветеноста и талентот на нашите вработени. Со особено внимание, придонесуваме кон нивниот развој и постојано сме во потрага по нови таленти.

КООРДИНАТОР ВО ОДДЕЛ ПРОИЗВОДСТВО​
Регион: Скопје

Потребни квалификации:

• Завршено високо образование во области како што се фармација, хемија, биотехнологија, природни, технолошки науки или сродни области.                                                         
• Минимум работно искуство од 1 до 3 години во областа.
• Добри аналитички, организациски и интерперсонални вештини.
• Точност и прецизност во работата и континуирано надградување на знаењето и вештините.
• Способност за тимска работа во динамична работна средина и под одредени временски ограничувања.      
• Работа со Microsoft Office (Excel, Word, Power Point)
• Течен пишан и говорен македонски и англиски јазик.      

Работни обврски:

• Пишува планови за сменски активности и распоред за смени и отсуства за операторите, како и барања за анализа до оддел Контрола на квалитет;
• Подготвува етикети за балк пакување и транспортна кутија за дадена серија;
• Редовно комуницира со сменоводителите за обврските и активностите во погон, а доставува извештај за реализација по секоја смена;
• Ги обучува операторите, врши контрола на нивната работа и на тековните процеси, како и In process контроли на тековните процеси;
• Одговорен е за документацијата (затворање налози, префрлање на готов производ во карантин, пишување девијации, внесување обуки);
• Комуницира со оддел Инженеринг за секоја потребна интервенција на просторот или опремата во производниот погон;
• Ги организира и координира сите активности врзани со вклучување и имплементација на GMP нормите како и на  ISO стандардите на ниво на групата.

Нудиме:

• Динамична и позитивна работна средина;
• Можност за кариерен развој и континуирана едукација;
• Систем за вреднување на постигнати индивидуални и тимски резултати;
• Менаџмент и тим за човечки ресурси посветени на Вашиот кариерен развој;
• Организациска култура која го подржува и почитува интегритетот на секој поединец во компанијата;
• Организиран топол оброк;
• Приватно здравствено осигурување;
• Приватно пензиско осигурување.

Ако сте заинтересирани и насочени кон индивидуален развој и сакате да бидете дел од нашата успешна приказна, Ве молиме да ја пратите Вашата кратка биографија преку полето ‘‘Аплицирај/Пријави се’’ најдоцна до 28.12.2025 година.

Напомена: Единствено апликациите кои ќе влезат во потесен круг, ќе бидат контактирани.

*Личните податоци наведени во кратката биографија добиени во процесот на селекција на кандидатите за вработување се користат единствено за целта за која се побарани.