Ние во Реплек, силно веруваме дека нашиот корпоративен успех доаѓа од луѓето. Нашиот тим е двигателот на нашите успеси, а секој вработен игра клучна улога во остварувањето на нашата визија. Со присуство во над 25 земји и портфолио од над 150 производи, ние ја прошируваме нашата мисија на глобално ниво, благодарение на посветеноста и талентот на нашите вработени. Со особено внимание, придонесуваме кон нивниот развој и постојано сме во потрага по нови таленти.

Ако си подготвен/а да прифатиш нов предизвик и имаш интерес во областа на  маркетинг, оваа можност е за тебе! 

Бренд менаџер за OTC производи (RX и суплементи)

Сектор: Продажба и маркетинг
Реон: Скопје​ 

Потребни квалификации:

• Високо образование од областа на фармација, медицина, стоматологија);
• Минимум 3 до 5 години релевантно работно искуство на иста или слична позиција;
• Одлични аналитички, комуникациски и преговарачки вештини;
• Способност за самостојна и тимска работа;
• Високо ниво на организираност, проактивност и ориентација кон резултати;
• Одлично познавање на MS Office и англиски јазик.

Работни обврски:

• Истражување на пазарот, креирање и имплементација на соодветни маркетинг стратегии за стручна (RX и OTC) и широка јавност (OTC) која опфаќа научни податоци, маркетинг материјали и активности за промоција;
• Сегментација на пазарот и идентификација на таргет групи;
• Изучување на терапевтската област со детална анализа на медицинските и комерцијалните карактеристики на производите на Друштвото и на конкуренцијата;
• Дизајнирање на кампањи кои ги истакнуваат придобивките и уникатноста на производите;
• Преговарање и соработка со KOL за зголемување на уделот  на пазарот;
• Развивање и управување со промотивни маркетинг материјали според правилата и потребите за работа со соодветни целни групи на пазарот;
• Следење на здравствените водичи, потребите на пазарот и следење на активностите и работата на конкуренцијата;
• Дефинирање на финансиски приоритети и следење на трошоците за маркетинг активности;
• Оптимизирање на буџетот за максимална ефикасност;
• Квалитетно стручно и комерцијално позиционирање на постоечките и новововедените производи кај лекари и аптеки;
• Организирање и учество во промоции, презентации, конгреси, симпозиуми и други настани за промоција на производите;
• Воспоставување и одржување на долгорочни квалитетни релации со клучни здравствени работници;
• Комуникација со различни сектори за обезбедување на усогласеност на маркетинг активностите;
• Поддржување на тимска работа со медицинско комерцијалните соработници , ФФМ и КАМ;

Нудиме:

•         Динамична и позитивна работна средина;
•       Можност за кариерен развој и континуирана едукацијa;
•      Систем за вреднување на постигнати индивидуални и тимски резултати;
•      Менаџмент и тим за човечки ресурси посветени на Вашиот кариерен развој;
•      Организациска култура која го подржува и почитува интегритетот на секој поединец во компанијата;
•      Организиран топол оброк;
•      Новогодишен, Велигденски и додаток за школување на деца;
•      Подарок за роденден;
•      Годишен бонус врз основа на постигнати компаниски таргети;
•      Приватно здраствено осигурување;
• ·    Приватно пензиско осигурување. 

Ако сте заинтересирани и насочени кон индивидуален развој и сакате да бидете дел од нашата успешна приказна, Ве молиме да ја пратите Вашата кратка биографија најдоцна до 23.05.2025 година преку полето ‘‘Апликацирај/Пријави се’’.

Напомена: Единствено апликациите кои ќе влезат во потесен круг, ќе бидат контактирани.